Die 21 Iunii1514: stantibus controversiis inter Agabitum De Castello et Franciscum Angelum De Raneriis ex una et Ioannem Berardinum De Castello et eius filios, videlicet Paulum et Antonium presentes et Marianum absentem ex alia utraque pars fecit pacem sub pena ducatorum mille, pro quibus Ioanne Berardino et filiis Franciscus domini Angelini et Ioannes Petrus Pangratii et pro Agabito et Francisco Angelo Ioannes Raimundus De Cittadinis, Ioannes Montis et Petrus Paulus Zenonis De Castello fideiusserunt. Actum in strata ante palatium dominorum priorum, presentibus domino Antonio De Amatis secretario domini Marci Antonii De Colunna et Baptista Ioannis Salvati de Interamna.

Eodem instanti actum in ecchlesia Sancti Laurentii onoranda domina Benevenga uxor olim Antonii De Castello habens quodam interesse de quibusdam bonis cum Diana adolescentula filia quondam Andreassi De Castello seu cum Agabito De Castello et Francisco Angelo De Raneriis etc. sponte dictae partes remiserunt omnem differentiam in manibus officii banderariorum.

Die 21 Iunii 1514: Paulus et Hieronimus Philippi De Mazzancollis ratificant pacem factam per Galienum De Mazzancollis heri cum Prospero et Oratio De Galeanis stante omicidium per ipsum Paulum perpetratum in personam quondam Valerii De Galeanis, pro quibus fideiusserunt Ioannes Montis et Pompeius Lancillotti, cum condictione quod Paulus quando rediet ab exilio non valeat intrare in strada quae vadit domum ipsorum De Galeanis, recedendo a strada magistra, attento quae strata est a domo ipsorum, videlicet a cantone Sancti Egidii usque ad domum domini Tullii et ad domum Paulae Angelotii usque ad domum Hieronimi Buctifoco ac etiam circum circa domum filiorum magistri Marini supradicti. Actum in domo dictorum De Mazzancollis in regione Sanctae Crucis, presentibus Ectore Costantii Montis, Bastiano De Raneriis, Paradiso De Paradisis, Toma Ciccantonii et Conforzio Contessae.

Die 22 Iunii: in audientia palatii faciunt pacem Nicolangelus Diamantis et Stefanus Francisci Orlandi , qui interfecerat Carobinum Diamantis

Eodem die, loco et testibus pax inter Andream Cardinalis et Belfortem Porci, pro quo ser Claudius ser Pauli et pro Andrea Donnus Philippus Arcangeli fideiusserunt.

Die 24 Iunii 1514: pax inter Ioannem Petrum , Bastianum et Franciscum magistri Ioannis sellarii , pro quibus ser Oratius De Galeanis fideiussit et Costantinum Montis patrem Antonii qui interfecerat Mattiangelum fratrem dicti Ioannis Petri et aliorum dictorum, pro quo Costantino fideiussit Ioannes Montis.

Die 25 Iunii 1514: actum in aedibus episcopalibus coram reverendissimo domino episcopo, domino auditore et dominis prioribus, videlicet Petro Paulo Zenonis et sociis pax inter Ectorrem Baptistae Nicolai Nicolae Iacobi , cum presentia Francisci De Camporeali sui curatoris cum condictione quod Zuccarus patruus dicti Ectoris ratificabit etc. ex una et Franciscum Novelli ex altera, stante omicidio Berardini Novelli in personam Baptistae Nicolai Nicolae Iacobi cum exilio dicti Berardini a civitate per tres annos et domina Polisena mater Ectoris ratificet etc.

Die 6 Iulii: in domo Ioannis Berardini De Castello in regione Ultrinorum iuxta bona Agabiti De Castello etc. Marianus Ioannis Berardini De Castello ratificavit coram domino Romano iudice potestatis et banderariis pacem factam cum Agabito De Castello et Francisco Angelo Loriti De Raneriis causis et rationibus, videlicet ereditatis sive eredis Andreassi etiam De Castello tam pro interesse particulari cum dicto Agabito quam pro interesse dominae Benevenghae suae uxoris cum pacto quod banderarii presentes intra tres menses decidant dictam differentiam etc. discreta mulier domina Benevenga uxor dicti Mariani ratificavit in omnibus occasione interesse supradictae ereditatis Dianae ad ipsam spectantis.